Ay Dilbaran-e-Jafar-Tayyar

Ay Dilbaran-e-Jafar-e-Tayyar Alwida, Alwida, Alwida, Alwida

Binte Ali Ye Bachon Say Kehti Thi Baar Baar (x3)
Ran Ko Sidharo Aun-o-Muhammad Ye Maa Nisar

Jafar Ka Ifteqar Bharana Jihad May (x3)
Nana Ki Apni Shan Dikhana Jihad May.

Shair-e-Khuda Ki Beti Kay Tum Dono Shair Ho (x3)
Maidan May Jawo Khud Fatha Ab Kuch Na Dair Ho.

Haar Baat Apne Dil Kay Siwa Ho To Baat Hai (x3)
Woh Ran Paray Kay Hashr Bapa Ho To Baat Hai.

Ghayre Rahay Sipah Magar Mou Na Moor Na (x3)
Haider Ki Yaadgar Ho Maidan Na Chorna.

Shimro Umar Kay Saar Jo Utaro To Khush Hu May(x3)
Dushman Ko Jhoom Jhoom Kay Maaro To Khush Hu Mai.

Ab Toh Ye Arzoo Hai Kay Tum Ran May Kaam Aawo (x3)
Chehray Kay Badle Khoon Bhare Chehre Mujhe Dikhao.

Bacho Zaeef Mamu Ko Zehmat Na Deejiyo (x3)
Lashay Uthaaye Bhai To Jumbish Na Kijiyo.

Pyaase Jo Aaoge To Sila Degi Tum Ko Maa (x3)
Khud Daud Kar Gallay Say Laga Legi Maa.

Jab Aun O Muhammad Nay Maula Ko Bulaya Ho Ga 

Jab Aun O Muhammad Nay Maula Ko Bulaya Ho Ga 

Masooma Kee Lashon Pe Akbar Ka Baba Janay, Kis Haal Mai Aaya Ho Ga

Sadqa Hai Aun O Mohammad, Akbar Aur Ali Asghar Ka
Do Baiton Kee Lashon Pe Ye Soch Ke Maa Ujri Ne, Na Ashk Bahaya Ho Ga

In Dono Kee Lashain Toe Ik Doojay Se Dur Pari Theen
Mazloom Ne Kaisay In Kee Lashon Ko Jaa Ke, Tanha Maqtal Se Uthaya Ho Ga

Zainab Kee Goad Bhi Ujri Aur Bhai Kata Maqtal Mai
Khaimon Ko Aag Lagee Thee, Sajjad Beemar Ko Kaisay, Jalnay Se Bachaya Ho Ga

Koofa Aur Shaam Kee Faujain, Girtay Huay Bhaagee Hon Gee
Abbas Ke Shagirdon Ne, Akhtar Jab Zor Ali Ka, Maqtal Mai Dikhaya Ho Ga